Film për jetën e Roger Moore

Memoaret e Sir Roger Moore do të shndërrohen në një fil hollivudian, ndërsa Johnny Deep mund ta luajë rolin e aktorit që luajti James Bondin.
Dy kompani filmike amerikane janë në konkurrencë për të fituar të drejtën e krijimit të skenarit nga libri “My Word Is My Bond”, të cilin aktori e ka botuar në tetor të këtij viti.

Detajet autobiografike të Moore përfshijnë edhe bashkaktorët e tij gjatë viteve të pesëdhjeta dhe gjashtëdhjeta, Elizabeth Taylor, Lana Turner dhe David Niven.

“Dy kompani filmike janë shumë të interesuara që të realizojnë një film i cili do të flasë për kohë para se ai luajti James Bondin. Ende nuk dihet kush do ta luajë rolin e Sir Roger, por ai u ka thënë miqve të tij se është admirues i madh i Johnny Depp”, ka thënë një burim për “WENN”.