Aktorja kosovare, Arta Dobroshi, për rolin e saj në filmin “Heshtja e Lornës”, të vëllezërve Dardenne është nominuar në kategorinë për aktoren më të mirë evropiane në edicionin e radhës të Festivalit Evropian të Filmit, që sivjet do të mbahet në Kopenhagë. Përkrah aktores kosovare, të nominuara për aktoren më të mirë evropiane janë aktoret: Hiam Abbass, Sally Hawkins, Belen Rueda, Ursula Werner dhe Kristian Scott Thomas. Nominimet për vitin 2008 në këtë festival përfshijnë edhe kategoritë për filmin më të mirë, regjinë më të mirë, skenarin më të mirë, aktorin dhe aktoren evropiane më të mirë si dhe disa çmime të tjera. Javë më parë aktorja Dobroshi, e njohur tashmë edhe në skenën ndërkombëtare të kinematografisë, ishte e pranishme në premierën e filmit “Heshtja e Lornës”, në Hampstead të Londrës.