Brazil: Janë gjetur 24 trupa të pajetë të udhëtarëve
Ushtria e Brazilit ka njoftuar se deri tash janë gjetur 24 trupa të pajetë të udhëtarëve të aeroplanit të kompanisë Air France, i cili, para disa ditësh, u përplas në Oqeanin Atlantik, me 228 udhëtarë dhe anëtarë të ekuipazhit.
Trupat u gjetën në zonën e rrëzimit të aeroplanit, që është afro 1100 kilometra nga bregu verilindor i Brazilit.
Ekipet e kërkimit kanë gjetur edhe pjesë të mëdha të aeroplanit. Mendohet se këto mbetje do të ndihmojnë në gjetjen e “kutisë së zezë”, që do të mund të tregonte se çka kishte ndodhur me këtë aeroplan, që fluturonte nga Rio de Zheneiro për në Paris