Merkel dhe Sarkozy bien dakord para takimit të BE

Një javë para takimit të nivelit të lartë të BE në Bruksel, kancelarja gjermane, Angela Merkel dhe presidenti francez, Nicolas Sarkozy shprehën përputhje mendimesh për pika të ndryshme.
Në një takim jozyrtar në Paris, ata u shprehën pro një periudhe të dytë të mbajtjes së postit të presidentit të Komisionit Evropian nga Jose Manuel Barroso.

"Prandaj Franca dhe Gjermania e mbështesin kandidaturën e Jose Manuel Barrosos. Dhe prandaj ne do të zgjedhim një mënyrë të zgjuar veprimi, që të bëjë që nëse e do Parlamenti, zgjedhja e presidentit të ri të Komisionit të bëhet që në korrik," tha Merkel.

Merkel dhe Sarkozy i paralajmëruan më tej partnerët tregtarë të BE për pasoja, po të kujdesen në të ardhmen më pak për mbrojtjen e klimës.

Edhe përsa i përket kontrollit në tregjet financiare, Merkeli dhe Sarkozy dëshirojnë që të mos ketë kompromise të tjera. Para së gjithash kryeministri britanik, Gordon Brown synon ta ruajë Londrën si hapësirë transaksionesh financiare, nga kufizime të forta