Franca do të kthehet në strukturën komanduese të NATO-s të enjten duke marrë një ulëse, për të parën herë në më shumë se 40 vite, në komitetin planifikues të mbrojtjes së aleancës.
Ministri i Mbrojtjes së Francës, Herve Morin, pritet t’u bashkohet 28 aleatëve të NATO-s në selinë qendrore në Bruksel. Në takimin e së enjtes do të marrin pjesë edhe anëtarë nga Shqipëria dhe Kroacia.
Franca ishte një ndër themelueset e NATO-s dhe ka qenë përherë anëtare e këtij mekanizmi, por në vitin 1966 presidenti Sharl De Gol kishte nxjerrë Francën jashtë komandës së integruar të aleancës për shkak të perceptimit mbi dominimin e Shteteve të Bashkuara