Italia dhe Franca “nuk ndihmojnë Afrikën

Një raport që vlerëson ndihmat që tetë vendet më të pasura të botës i japin Afrikës ka kritikuar Italinë dhe Francën se nuk i kanë mbajtur premtimet e tyre.
Raporti i cili mbështetet nga figura si Bill Gates dhe Desmond Tutu thotë se Italia në fakt ka shkurtuar në vend se të rrisë ndihmat për Afrikën, sic kishte premtuar në samitin e G8-ës në Gleneagles në vitin 2005.

Studimi i organizatës ONE - më parë e quajtur DATA është një paralajmërim vjetor që ju bëhet vendeve më të pasura rreth zotimeve të tyre që i kanë bërë në samitin e G8-ës në Gleneagles të Britanisë para katër viteve.

Franca dhe Italia janë në krye të vendeve që nuk kanë mbajtur premtimet, dhe në përgjithësi mesazhi është se nëse ndihmat mbesin në këtë nivel atëherë Afrika do të merr vetëm një të tretën e ndihmave të premtuara deri në vitin 2010.

Atje ku janë rritur ndihmat shihen ndryshime të mëdha, veçanërisht në luftën kundër AIDS-it si dhe në përmirësimin e arsimit anembanë Afrikës.

Në një prezantim të përbashkët të raportit, Sir Bob Geldof dhe ish sekretari i përgjithshëm i OKB-së, Kofi Annan u theksua se vendet më të varfra që përfituan me se pakti nga globalizimi tani po vuajnë më së shumti në një krizë që nuk ka të bëjë asgjë me ta.

Britania është nga ato vende që ka dyfishuar ndihmat për Afrikën ndërsa Amerika e cila i ka rritur ato, është kritikuar se duke i mos i dërguar ndihmat përmes qeverive afrikane po e zvogëlon efektivitetin e tyre.