Reperi i ndjerë Tupac Shakur do të nderohet për ditëlindjen e tij me një koncert bamirës të organizuar nga nëna e tij.
Legjenda e muzikës hip-hop u vra në shtator të vitit 1996 në moshë 25-vjeçare, ndërsa nëna e tij ka vendosur ta mbajë gjallë kujtimin për të duke organizuar një eveniment më 16 qershor, ditën kur djali i saj do të duhej t’i kishte 38 vjet.
Nikoqir i mbrëmjes do të jetë komiku Mike Epps, i cili është i lumtur që do të marrë pjesë në një organizim të tillë.
“Unë jam nja fans i kamotshëm i muzikës së Pac-ut. Nuk do të isha këtu ku jam sot po të mos isha frymëzuar nga ai. Është një nder për mua të qëndroj pranë nënës së tij, Afeni Shakur, duke festuar një moment aq personal për historinë djalit të saj”, ka thënë Epps