Soni videoklip me "Tingulli 3nt"

Këngëtarja shumë e dashur nga Shqipëria, Soni Malaj, ka njoftuar se do të qëndrojë në Kosovë për ta realizuar videoklipin e këngës "Më merr" në bashkëpunim me "Tingulli 3nt".

Kënga “Më merr” tashmë është dëgjuar shumë nëpër radio, është një këngë R&B e kombinuar me hip-hop, ndërsa Soni shpreson se edhe klipi të pëlqehet sikur kënga.

Këngëtarja po ashtu ka mohuar spekulimet e fundit kinse është në lidhje me një francez, duke shpjeguar se ajo aktualisht nuk është në lidhje me askënd dhe është e lumtur vetë, pasi që lumturinë e saj e plotësojnë “familja dhe muzika”.