Titulli: Marketingu e sheh Ronaldinjon “zbavitës”

Një libër analizon imazhin e kampionëve dhe tifozët “votojnë” brazilianin, që jashtë e mund vetëm Bekhami
Ekuacioni i marketingut është iracional. Ja teoria: duke shitur Kakànë dhe duke synuar fort te Ronaldinjo, Milani mund të mos humbasë në aspektin e imazhit. Pra, Milani kalon nga 1 në 2. Barbara Riçi dhe Mimo Uliano, shpjegojnë pse mund të ndodhë në librin “Sporti, fabrika e përfaqësuesve”. Kalon gjithçka përmes një eksperimenti: një grupi njerëzish u është kërkuar të përcaktojnë te kampionët disa elementë të zgjedhur nga një listë. Rezultati: Kakà përkufizohet “dinamik”, emocionues dhe i besueshëm”, Ronaldinjo, “dinamik, emocionues dhe zbavitës”. Studimi është bërë disa kohë më parë, por koncepti qëndron: për publikun jo shumë të apasionuar pas futbollit, Dinjo nuk është shumë ndryshe nga Kakà. “Sipas të dhënave të fundit nga revista prestigjioze “Forbes”, Ronaldinjo është sportisti i dytë më i njohur në botë pas Devid Bekhamit, - thotë Barbara Riçi. - Jashtë Italisë paraqitjet nuk kanë shumë rëndësi dhe Milani llogari të tilla nuk mund të mos i bëjë. Bekhami dhe Ronaldinjo sollën rezultate të mira që në turneun e Dubait këtë sezon”. Po Kakà? Jo, Gatuzo. Xhiuzepe Sapienca, zëvendësdrejtori i komunikimit të Milanit, i bën kështu llogaritë: “Me Ronaldinjon e kemi sistemuar disi bilancin e faturave me ndonjë pikë përqindjeje më shumë, shifër e rëndësishme, nëse konsiderojmë që Milani e kalon shumën prej 230 milionë eurosh në vit për shpenzime të përgjithshme”.
Po Kakà? Asgjë për të thënë, por sipas studimit të “Sporti, fabrika e përfaqësuesve”, braziliani nuk është zgjedhja e parë për një ndërmarrje, që investon në futbollin modern e të kohës. Riki në të vërtet është më pak i njohur se Toti i Romës, Del Piero, Bufon e Kanavaro të Juves si dhe Gatuzo i Milanit.