SHBA kërkon lirimin e gazetareve të burgosura nga Koreja e Veriut
Shtetet e Bashkuara thonë se dy gazetare të burgosura nga Koreja e Veriut janë të pafajshme dhe duhet të lirohen.
Zëdhënësi i presidentit Barack Obama dhe sekretarja e Shtetit Hillary Clinton i bënë thirrje Koresë së Veriut që t’i lirojë menjëherë dy gratë e reja, për arsye humanitare.
Administrata e presidentit Obama është përpjekur ta mbajë çështjen e dy gazetareve të shkëputur nga problemet më të mëdha me Korenë e Veriut, përfshirë provën e saj të fundit bërthamore, dhe po bën thirrje për lirimin e tyre për arsye humanitare, tani që gjyqi i tyre me dyer të mbyllura ka përfunduar.
Amerikanet Juna Li dhe Laura Ling që u ndaluan përgjatë kufirit të Koresë së Veriut dhe Kinës në mes të marsit u dënuan me 12 vjet punë të rëndë për hyrje të paligjshme në vend dhe për kryerjen e një “krimi të rëndë” i cili nuk u qartësua, kundër shtetit komunist